A vida e obra de Ismael H. Djata

Otcha bu na djubim

Bu udjus intchim de mar

Nã alma seku kã

Suma son de siko

Suma sol di mis di Abril.

Na ki di tardi bu nenin forti

Bu perta bu kurpu ku di mi.

Sangi  rapian nha kurpu

na ki ora

bu katem  ba fala.

ma bu na dispidim ba

na ki ora

na ki dia

na um mandrugada entre tchuba ku bento

nsikidu na pêra bom noba.

Na ki ora

Na ki dia

Bas di sérenu no na serena

No abrasan

Bu dã beiju kinti, bu beiju kinti  dimas

Bu fala ami i kindon kandan na bo krérensa

Ami ku bu rapaz

Nã Alma i bu alma

Na mal ou na bem

Ami ku bo mundo

Nada ka pundi distansianu.

I aos ndéu…

            Autoria
Ismael Hipólito Djata